जनशक्ती (वृत्तसेवा)- नेवासा तालुक्यातील सलाबतपूर येथील नामांकित गुणवत्ता ,संस्कार व संस्कृती जपणारी शाळा तसेच बदलत्या काळानुरुप इंग्रजी शिक्षण देत असताना मराठी संस्कृती जपण्याचा प्रामाणिक प्रयत्न करणारी शाळा म्हणून लौकिक असलेली चाईल्ड करिअर इंग्लिश मीडियम स्कूल अँड ज्युनियर कॉलेज सलाबतपुर येथे माता पालक मेळावा व हळदी कुंकू , तिळगुळ वाटप कार्यक्रम उत्साहात संपन्न झाला.
कार्यक्रमा दरम्यान माता पालकांसाठी विविध खेळांच्या स्पर्धांचे आयोजन करण्यात आले होते.त्यात संगीत खुर्ची, चमचा लिंबू , वन मिनिट आदी मनोरंजक खेळांचे आयोजन करण्यात आले होते. सदर कार्यक्रमास माता पालकांनी उत्स्फूर्त प्रतिसाद लाभला. मेळाव्यासाठी उपस्थित असलेल्या माता पालकांना आपल्या पाल्याच्या प्रगतीबद्दल व शाळा राबवत असलेल्या विविध विद्यार्थी हिताच्या उपक्रमाबद्दल माहिती देण्यात आली. कार्यक्रमाचे प्रास्ताविक श्रीमती मीनाक्षी तांबे यांनी केले .सूत्रसंचालन श्रीमती छाया सातपुते यांनी केले शेवटी आभार श्रीमती सुप्रिया लिंबे यांनी मानले.
