बालाजी देडगाव (प्रतिनिधी)- कुकाणा (ता.नेवासा) येथे जागतिक महिला दिनानिमित्त शनिवार (दि.८) मार्च रोजी नारी शक्तीचा सन्मान सोहळा तसेच महिला आरोग्य शिबीर व महिला बचत गटांना महिला दिन कार्यक्रमात कर्ज वितरण वाटप आमदार विठ्ठलराव लंघे पाटील यांच्या हस्ते करण्यात आले.
यावेळी व्यासपीठावर रत्नमालाताई लंघे पाटील, जिल्हा परिषद सदस्या डॉ.तेजश्रीताई लंघे,नेवासा पंचायत समितीचे गटविकास अधिकारी संजय लखवाल, कुकाण्याच्या सरपंच लताताई अभंग, उपसरपंच शुभांगीताई कचरे, ग्रामपंचायत सदस्या हकीमाबी शेख, रोहिणीताई शिंदे, जयश्रीताई लंघे, डॉ.विद्याताई कोलते, शोभाताई आलवणे, मंगलताई काळे, सुरेखाताई देशमुख,आशाताई खरे,भारतीताई वालतुरे,भाजपा महीला आघाडी तालुकाध्यक्ष भारतीताई बेंद्रे तसेच भाजपा किसान मोर्चाचे जिल्हाध्यक्ष अंकुशराव काळे, शिवसेना जिल्हासंपर्क प्रमुख बाळासाहेब पवार, डॉ.बाळासाहेब कोलते, मनोज पारखे, सोमनाथ कचरे, तेलकुडगांवचे सरपंच सतीशराव काळे, बळीराज्य संघटनेचे अध्यक्ष मच्छिंद्र मुंगसे आदी मान्यवर यावेळी उपस्थित होते.
यावेळी बोलतांना आमदार विठ्ठलराव लंघे पाटील म्हणाले की, महीलांच्या समस्या सोडविण्यासाठी आपण खंबीरपणे नेत्तृत्व करणार असून महीलांना बचत गट चळवळीतून स्वयंम् रोजगाराच्या संधी उपलब्ध करुन देवून बरबसल्या रोजगार निर्मिती करण्यासाठी विशेष प्रयत्न करणार असल्याचे सांगून ते पुढे म्हणाले की, ऐतिहासिक नगर जिल्ह्याचे नामकरण महायुती सरकारने अहिल्यादेवी केल्याबद्दल राज्य सरकारचे कौतुकही यावेळी त्यांनी केले.
नेवासा तालुक्याचा सर्वांगिण विकास साध्य करण्यासाठी प्रयत्न करणार असून सर्वसामान्य मानसाला केंद्रबिंदू मानून शेवटच्या घटकांपर्यत न्याय देण्याची भूमिका ठेवणार असल्याचेही यावेळी आमदार लंघे – पाटील यांनी महिला दिन कार्यक्रमात यावेळी बोलतांना केले. याप्रसंगी मोठ्या संख्येने महिला भगिनी व महायुतीचे पदाधिकारी कार्यकर्ते उपस्थित होते.
