जनशक्ती (वृत्तसेवा)- नेवासा तालुक्यातील जिल्हा परिषद प्राथमिक शाळा खेमनर वस्ती येथे नवागत विद्यार्थ्यांचा शाळा प्रवेशोत्सव उत्साहात संपन्न झाला. यावेळी इयत्ता पहिलीच्या नवागतांचे स्वागत, मोफत पाठ्यपुस्तक वितरण, मोफत बूट व सॉक्स वितरण, मोफत गणवेश वितरण हा कार्यक्रम पालकांच्या, शिक्षकांच्या व विद्यार्थ्यांच्या उपस्थितीत आनंदमय वातावरणात पार पडला. यावेळी विद्यार्थ्यांना गोड जेवणाची मेजवानी देण्यात आली.
मुख्याध्यापक संदीप भंडारे सर यांनी शाळेत होणाऱ्या विविध उपक्रमांविषयी व विद्यार्थ्यांना दिल्या जाणाऱ्या विविध योजनांविषयी सविस्तर माहिती यावेळी पालकांना दिली. तर उपाध्यापक राहुल पालवे सर यांनी आगामी वर्षाचे शैक्षणिक नियोजन व विविध कार्यक्रमांची रूपरेषा पालकांसमोर सादर केली.
