बालाजी देडगाव (प्रतिनिधी)- नेवासा तालुक्यातील बालाजी देडगाव येथील कोकरे वस्ती येथे बाबीरबाबांच्या कृपा अशिर्वादाने व हभप सुखदेव महाराज मुंगसे यांचे प्रेरणेने हभप सदाशिव महाराज पुंड यांच्या मार्गदर्शनाखाली अखंड हरिनाम सप्ताह व श्री ग्रंथराज ज्ञानेश्वरी १८ अध्याय गीता पारायण सोहळ्याचे आयोजन करण्यात आले आहे. या अखंड हरिनाम सप्ताहाची संत- महंताच्या शुभहस्ते व प्रमुख मान्यवरांच्या उपस्थित मोठ्या उत्साहात सुरुवात करण्यात आली.
रविवार दिनांक १० ऑगस्ट ते गुरूवार दिनांक १४ ऑगस्ट या काळात या सोहळ्याचे आयोजन करण्यात आले आहे. या सप्ताहकाळात पहाटे ४ ते ५ काकडा, ८ ते ११ ज्ञानेश्वरी पारायण, ५ ते ६ हरीपाठ, रात्री ७ ते ९ हरीकिर्तन व नंतर जागर अशा दैनंदिन कार्यक्रमाचे आयोजन करण्यात आले आहे. तसेच येणाऱ्या भाविकांसाठी दररोज महाप्रसादाची व्यवस्था करण्यात आली आहे.
या सप्ताह काळात हभप सुखदेव महाराज मुंगसे (बालाजी देडगाव), हभप बाळकृष्ण महाराज रिंधे (जेऊर हैबती), हभप निलेशजी महाराज वाणी (वैष्णव आश्रम, बन्हाणपूर), हभप सचिन महाराज पवार (श्री संत शिरोमणी सेना महाराज मंदिर, श्रीक्षेत्र नेवासा) यांच्या किर्तनसेवेचे आयोजन करण्यात आले आहे.
गुरूवार दि. १४ऑगस्ट रोजी सकाळी ९ ते ११ हभप महंत भागवताचार्य सुदर्शनजी महाराज उदासिन (सुदर्शन आश्रम, शिंदेवाडी) यांचे काल्याचे किर्तन होईल व नंतर महाप्रसाद होईल. तरी या सोहळ्याचा जास्तीत जास्त भाविकांनी लाभ घ्यावा, असे आवाहन समस्त ग्रामस्थ व भजनी मंडळ देडगाव यांनी केले आहे.
