बालाजी देडगाव (प्रतिनिधी)- नेवासा तालुक्यातील बालाजी देडगाव येथील देडगाव नवे जिल्हा परिषद प्राथमिक शाळेत वृक्षारोपण व पर्यावरणाचे महत्व पटवून देण्यासाठी सीडबाॅल्स उपक्रम राबविण्यात आला.
यावेळी विद्यार्थी मित्रांनी मातीपासून सीडबाॅल्स तयार केले. यावेळी मुख्याध्यापक अभिषेक घटमाळ यांनी या ग्लोबल वाॅर्मिंगच्या काळात वृक्षारोपणाचे महत्व पटवून देत विद्यार्थ्यांना झाडे लावा झाडे जगवा हे सीडबाॅल्सच्या माध्यमातून बालसंस्कार करण्यात आले. या उपक्रमासाठी शाळा व्यवस्थापन समितीचे अध्यक्ष आप्पासाहेब दळवी, दानियल दळवी, पोपट मुंगसे, आनंद दळवी, प्रदिप मिरपगार, अविनाश तांबे, अविनाश दळवी, महेश दळवी व ग्रामस्थांचे सहकार्य लाभले. या उपक्रमाला देडगाव केंद्रप्रमुख कमल लाटे, विस्ताराधिकारी धिंदळे साहेब, नेवासा गटशिक्षणाधिकारी शिवाजीराव कराड साहेब यांचे मार्गदर्शन लाभले. शेवटी आभार सहशिक्षिका मनिषा कांबळे यांनी मानले. या उपक्रमाचे परिसरात सर्वत्र कौतुक होत आहे.
