बालाजी देडगाव (प्रतिनिधी)- नेवासा तालुक्यातील बालाजी देडगाव येथील जिल्हा परिषद प्राथमिक शाळा, तांबे वस्ती येथे आषाढी एकादशीचे औचित्य साधून बालदिंडीचे आयोजन करण्यात आले होते. यावेळी मुलांनी वारकऱ्यांच्या वेशभूषा केल्या होत्या. तर मुलींनी कलश सजवून आणले होते. 
यावेळी शिवाजी तांबे व निवृत्ती तांबे यांनी बालदिंडीला चहा व नाश्ता दिला. यावेळी शालेय व्यवस्थापन समितीचे अध्यक्ष विष्णू तांबे, योगेश तांबे, राजू तांबे, निवृत्ती तांबे, शिवाजी तांबे, आबा तांबे, गणेश औटी, सचिन तांबे, जनाभाऊ तांबे, बाळासाहेब तांबे, राजूभाऊ तांबे आदी मान्यवर उपस्थित होते. 
सावता भजनी मंडळ, तांबे वस्ती यांच्या वतीने मुलांना बिस्किटाचे वाटप करण्यात आले. या उपक्रमाच्या यशस्वीतेसाठी मुख्याध्यापक कचरे सर व उपाध्यापक नांगरे सर यांनी विशेष परिश्रम घेतले.
