जनशक्ती (वृत्तसेवा)- अनेक दिवसांच्या प्रतीक्षेनंतर
राज्य सरकारकडून प्रत्येक जिल्ह्याच्या पालकमंत्रीपदाची यादी जाहीर करण्यात आली आहे. मुख्यमंत्री देवेंद्र फडणवीस यांनी उपमुख्यमंत्री अजित पवार, मंत्री चंद्रशेखर बावनकुळे आणि उपमुख्यमंत्री एकनाथ शिंदे या नेत्यांवर प्रत्यकी दोन जिल्ह्यांच्या पालकमंत्रिपदाची जबाबदारी सोपवली आहे. अहिल्यानगर जिल्ह्याच्या पालकमंत्रीपदी जलसंधारण मंत्री राधाकृष्ण विखे पाटील यांची वर्णी लागली आहे. तर दुसरीकडे कलह टाळण्यासाठी देवेंद्र फडणवीस यांनी कोल्हापूर आणि मुंबई उपनगर या जिल्ह्यांना पालकमंत्री आणि सहपालकमंत्री घोषित केला आहे. कोल्हापूरचे पालकमंत्री प्रकाश आबिटकर असणार आहेत. तर सहपालकमंत्री म्हणून माधुरी मिसाळ काम पाहणार आहेत. मुंबई उपनगर या जिल्ह्याच्या पालकमंत्रिपदाची जबाबदारी आशिष शेलार यांच्याकडे देण्यात आली आहे. तर याच जिल्ह्याचं सहपालकमंत्रिपद मंगलप्रभात लोढा यांच्याकडे देण्यात आले आहे. राज्याचे अन्नपुरवठा मंत्री धनंजय मुंडे यांना पालकमंत्री पदापासून दूर ठेवण्यात आले आहे.
*जिल्हा व पालकमंत्री यांची यादी पुढीलप्रमाणे*-
1. गडचिरोली – देवेंद्र फडणवीस
2. ठाणे – एकनाथ शिंदे
3. मुंबई शहर – एकनाथ शिंदे
4. पुणे – अजित पवार
5. बीड – अजित पवार
6. नागपूर – चंद्रशेखर बावनकुळे
7. अमरावती चंद्रशेखर बावनकुळे
8. अहिल्यानगर – राधाकृष्ण विखे पाटील
9. वाशिम – हसन मुश्रीफ
10. सांगली – चंद्रकांत पाटील
11. नाशिक – गिरीश महाजन
12. पालघर – गणेश नाईक
13. जळगाव -गुलाबराव पाटील
14. यवतमाळ – संजय राठोड
15. मुंबई उपनगर – आशिष शेलार तर सहपालकमंत्री – मंगलप्रभात लोढा
16. रत्नागिरी – उदय सामंत
17. धुळे – जयकुमार रावल
18. जालना – पंकजा मुंडे
19. नांदेड – अतुल सावे
20. चंद्रपूर – अशोक उईके
21.सातारा – शंभूराज देसाई
22. रायगड – आदिती तटकरे
23.लातूर – शिवेंद्रराजे भोसले
24. नंदूरबार – माणिकराव कोकाटे
25.सोलापूर – जयकुमार गोरे
26. हिंगोली – नरहरी झिरवाळ
27. भंडारा – संजय सावकारे
28. छत्रपती संभाजीनगर – संजय शिरसाट
29. धाराशिव – प्रताप सरनाईक
30. बुलढाणा – मकरंद जाधव
31. सिंधुदुर्ग – नितेश राणे
32. अकोला – आकाश फुंडकर
33. गोंदिया -बाबासाहेब पाटील
34. कोल्हापूर – प्रकाश आबिटकर तर सह पालकमंत्री – माधुरी मिसाळ
35. वर्धा – पंकज भोयर
36.परभणी – मेघना बोर्डिकर
