बालाजी देडगाव (प्रतिनिधी)- नेवासा तालुक्यातील फत्तेपूर येथे तळ कोकणच्या आईचा यात्रा उत्सव गुरुवर्य कै.प.पु रामभाऊ भिमाजी कोकरे यांच्या कृपा आशीर्वादाने गुरुवर्य मुक्ताजी (भाऊ) कोकरे, गुरुवर्य तुळशीराम (आण्णा) कोकरे यांच्या अधिपत्याखाली मोठ्या उत्साहात संपन्न झाला.सालाबादप्रमाणे याही वर्षी विविध धार्मिक, सांस्कृतिक कार्यक्रमाचे भव्य आयोजन करण्यात आले होते. 
यावेळी महाराष्ट्रातील पारंपारिक गावातील प्रसिद्ध धनगर समाजाच्या वतीने गज ढोल गजनृत्यचा खेळ मोठ्या आनंदात पार पडला. आषाढी महिन्यात शेवट अमावस्याला देवी आईचा यात्रोत्सव असल्याने येथे पोतराज येऊन त्यांनीही आपली भक्ती मोठ्या उत्साहात पार पाडली. यावेळी हजारो भाविक मोठ्या भक्तीभावाने येऊन देवीची पूजा अर्चा करीत असतात.
या सोहळ्यासाठी महाराष्ट्रातून भाविकांनी हजेरी लावली होती. तळ कोकणची आईचा सोहळा भाविकांच्या गर्दीत दुमदुमून गेला होता. यावेळी पारंपारिक पद्धतीचा आईचा गाडा ओढत भव्य मिरवणूक काढण्यात आली होती. या देवीच्या भाविकांना प्रत्यक्ष अनुभव आला असून ही नवसाला पावणारी देवी आहे, असे आख्यायिका भाविक मानत आहे. केलेला नवस फेडण्यासाठी भाविक मोठ्या संख्येने व आपल्या श्रद्धेने या यात्रांमध्ये सहभागी झाले होते. म्हणून भाविक मोठ्या संख्येने भक्ती भावाने येत असतात. हा सोहळा दरवर्षी आषाढी महिन्यात पार पडत असतो. यात्रेनिमित्त सकाळपासून तर संध्याकाळपर्यंत अन्नदानाचे आयोजन करण्यात आले होते. हजारो भाविकांनी या अन्नदानाचा लाभ घेतला. यावेळी परिसरामध्ये विद्युत रोषणाई व पुष्पमालेच्या व पुष्पांच्या माध्यमातून मोठी सजावट करण्यात आली होती. तर यात्रा उत्सव निमित्ताने फटाक्यांची आतषबाजी करण्यात आली होती. हा सोहळा यशस्वीरित्या पार पडण्यासाठी समस्त कोकरे परिवार व धुळेश्र्वर ग्रुप फत्तेपूर, शिव प्रतिष्ठान हिंदुस्थान फत्तेपूर, तळकोकनची आई सेवेकरी मंडळ प्रवरासंगंम,आदर्श तरुण मंडळ मोहरी, माझी लखाबाई लाडी पोतराज पार्टी घोगरगाव यांनी अनमोल सहकार्य करत विशेष परिश्रम घेतले.
