बालाजी देडगाव (प्रतिनिधी)- जानापूर (वाघमारे वस्ती- पाचुंदा रोड) येथे गुरुवर्य भास्करगिरीजी महाराज, सच्चिदानंद श्रीपाद बाबा, सदगुरू काटे महाराज, महंत सुनीलगिरीजी महाराजांच्या कृपाशीर्वादाने व गुरुवर्य हभप अण्णा महाराज बोरुडे यांच्या अधिपत्याखाली श्री संत सेना महाराज पुण्यतिथी व मूर्ती प्राणप्रतिष्ठा सोहळ्याच्या निमित्ताने त्रिदिनी हरिनाम सप्ताहाची उत्साहात सुरुवात करण्यात आली.
या सप्ताह काळामध्ये १८ ऑगस्ट रोजी हभप विलास महाराज मदने (राहुरी), मंगळवार १९ ऑगस्ट रोजी हभप सचिन महाराज पवार (श्री संत शिरोमणी सेना महाराज मंदिर, श्री क्षेत्र नेवासा) यांची किर्तनसेवा पार पडली. सोमवारी १८ ऑगस्ट रोजी दुपारी ३ ते ६ मूर्तीची महाराज व भजनी मंडळाचे उपस्थित भव्य मिरवणूक पार पडली. यावेळी फटाक्यांची आतिषबाजी करण्यात आली.
यावेळी जिल्हाभरातील भाविक मोठ्या संख्येने उपस्थित होते. बुधवारी २० ऑगस्ट रोजी सकाळी ९.१५ वाजता मूर्तीची प्राणप्रतिष्ठा महंत सुनीलगिरीजी महाराज (श्रीराम साधना आश्रम मुकिंदपुर), महंत बाबागिरीजी महाराज (काशी केदारेश्वर संस्थान नागलवाडी) यांच्या शुभहस्ते होणार आहे. तर बुधवारी सकाळी १०.३० ते १२.३० हभप महंत बाबागिरीजी महाराज (काशी केदारेश्वर संस्थान नागलवाडी) यांची कल्याची कीर्तनसेवा होणार आहे.
काल्याच्या कीर्तनानंतर महाप्रसादाचा कार्यक्रम होईल व सांगता होईल. या सोहळ्याच्या यशस्वीतेसाठी समस्त वाघमारे परिवार व समस्त ग्रामस्थ, समाज बांधव माका, पाचुंदा, निंबे नांदूर विशेष परिश्रम घेत आहेत.
